Амфитеатр дар шаҳри Душанбе
Асосӣ / Маълумот / Шарҳи мухтасари рушди иҷтимоию иқтисодии шаҳри Душанбе
Бахшҳои сайт
Ҷустуҷӯ дар сайт
Шарҳи мухтасари рушди иҷтимоию иқтисодии шаҳри Душанбе

ВАЗЪИ ДЕМОГРАФӢ

            Ба ҳолати 1-уми июни соли 2018 шумораи аҳолии доимии шаҳри Душанбе аз рӯи маълумотҳои пешакӣ ба 900 ҳазор нафар расида, нисбат ба ҳамин давраи соли гузашта 1,8 фоиз зиёд гардидааст.

Тибқи маълумотҳои мақомоти сабти асноди ҳолати шаҳрвандӣ ба ҳолати 1-уми июни соли 2018 дар шаҳри Душанбе 10865 нафар таваллуд шуда,  1937 нафар фавтидаанд. Афзоиши табии аҳолӣ 8928 нафарро ташкил медиҳад.

 

                   ВАЗЪИ ИҶТИМОИЮ ИҚТИСОДИИ ШАҲРИ ДУШАНБЕ ДАР МОҲҲОИ ЯНВАР-ДЕКАБРИ СОЛИ 2018
(АХБОРОТИ САРРАЁСАТИ АГЕНТИИ ОМОРИ НАЗДИ ПРЕЗИДЕНТИ ҶУМҲУРИИ ТОҶИКИСТОН ДАР ШАҲРИ ДУШАНБЕ)

МОЛИЯ
 
Мувофиқи маълумоти пешакии Сарраёсати молияи шаҳри Душанбе дар моҳҳои январ-декабри соли 2018 ҳаҷми умумии буҷети шаҳр 100,0 фоизи нақшаи аниқшуда иҷро гардид.
Даромад аз андоз дар моҳҳои январ-декабри соли 2018 маблағи 1563,3 млн. сомониро ташкил дод, ки нисбат ба ҳамин давраи соли 2017 ба маблағи 67,8 млн. сомонӣ ё ба андозаи 4,5 фоиз зиёд шудааст. Аз андозҳои асосӣ: воридоти андоз аз даромад дар моҳҳои январ-декабри соли 2018 нисбат ба ҳамин давраи соли 2017 ба андозаи 14,8 фоиз, андоз аз арзиши иловашуда 2,4 баробар ва андози низоми соддакардашуда ба андозаи 12,4 фоиз афзоиш ёфтааст. Воридоти андоз аз фоида дар моҳҳои январ-декабри соли 2018 нисбат ба ҳамин давраи соли 2017 ба андозаи 62,4 фоиз кам шудааст.
Дар моҳҳои январ-декабри соли 2018 хароҷоти буҷети шаҳри Душанбе ба андозаи 96,4 фоиз иҷро гардидааст. Барои рушди хоҷагии манзилию коммуналӣ – 38,0 фоиз, маориф – 21,8 фоиз, нигаҳдории тандурустӣ – 12,1 фоиз ва соҳаи нақлиёт ва коммуникатсия – 1,5 фоиз, чорабиниҳои фарҳангӣ-оммавӣ 10,2 фоизи ҷамъи маблағ сарф карда шудааст.               


ХУСУСИГАРДОНИИ ФОНДИ МАНЗИЛ

То 1 январи соли 2019 дар шаҳри Душанбе 129296 воҳид квартира хусусӣ гардонида шудааст, ки аз он 96676 квартира (74,8 фоизи шумораи умумии квартираҳои хусусигардонидашуда) фурӯхта, 2409 квартира (1,9 фоиз) бо пардохти қисми пулаш ва 30211 квартира бошад (23,3 фоиз) бепул хусусӣ гардонида шудааст.
Масоҳати умумии квартираҳои хусусигардонидашуда 7581,1 ҳазор метри мураббаъро ташкил медиҳад.
Дар соли 2018 дар шаҳри Душанбе 3335 квартира хусусӣ гардонида шуд. Аз он 3196 квартира (95,8 фоиз) фурӯхта шуда ва 139 квартира (4,2 фоиз) бе пардохти маблағ хусусӣ гардонида шуданд.

САНОАТ

Дар моҳҳои январ-декабри соли 2018 корхонаҳои саноатии шаҳри Душанбе ба маблағи 2194597,4 ҳазор сомонӣ маҳсулот истеҳсол кардаанд, ки нисбат ба моҳҳои январ-декабри соли 2017-ум 118,3 фоизро (бо нархҳои муқоисавӣ) ташкил медиҳад.
Саноати истихроҷи масолеҳи ғайримаъдании бинокорӣ дар ҳаҷми умумии истеҳсол 14779,0 ҳазор сомонӣ, саноати коркард 1455560,2 ҳазор сомонӣ ва истеҳсолу тақсимоти нерӯи барқ, гармӣ ва обтаъминкунӣ 724258,2 ҳазор сомониро ташкил кард.
Дар моҳҳои январ-декабри соли 2018-ум 235 корхона (52,5 фоиз) сатҳи истеҳсолотро нисбат ба ҳамин давраи соли 2017 зиёд намуданд ва 134 корхона (29,9 фоиз) сатҳи истеҳсолро нисбат ба ҳамин давраи соли 2017 коҳиш доданд.
Дар моҳҳои январ-декари соли 2018 дар истеҳсолоти маҳсулотҳои саноатии зерин афзоиш ба назар мерасад, аз ҷумла: истеҳсоли таҷҳизоти барқӣ 25,9 фоиз, коркарди чӯбу тахта ва истеҳсоли маҳсулот аз чӯб 22,6 фоиз, истеҳсоли ҳаргуна маҳсулоти ғайрифилизии маъданӣ 14,3 фоиз. истеҳсоли чарм, маҳсулот аз чарм ва истеҳсоли пойафзол 14,3 фоиз, истеҳсоли маҳсулоти нафтӣ 1,6 баробар, истеҳсолоти металлургӣ ва истеҳсоли маснуоти тайёри филизӣ 30,9 фоиз, истеҳсоли маҳсулоти хӯрокворӣ, якҷоя бо нӯшокиҳо ва тамоку 10,5 фоиз, истеҳсоли селлулозаю коғаз ва табъу нашр 1,7 баробар, истеҳсоли маҳсулоти нассоҷӣ ва дӯзандагӣ 6,9 фоиз.
Коҳишёбӣ дар моҳҳои январ-декабри соли 2018 дар истеҳсолоти ҳаргуна соҳаҳои саноат 10,5 фоиз ва истеҳсоли маҳсулоти резинӣ ва пластмассӣ 31,8 фоиз, истеҳсоли мошинолот ва таҷҳизот 9,5 фоиз мушоҳида гардид.

СОХТМОН

Дар моҳҳои январ-декабри соли 2018 сармоягузории сармояи асосӣ аз ҳисоби ҳамаи манбаъҳои сармоягузорӣ ба маблағи 2742969,0 ҳазор сомонӣ истифода карда шудааст, ки нисбат ба моҳҳои январ-декабри соли 2017-ум 90,8 фоизро (бо нархҳои муқоисавӣ) ташкил медиҳад.
Сохтори сармоягузорӣ ба сармояи асосӣ аз рӯи шаклҳои моликият дар моҳҳои январ-декабри соли 2018 чунин аст: маблағҳои давлатӣ 1134831,0 ҳазор сомонӣ ё 41,4 фоиз, аҳолӣ –12316,4 ҳазор сомонӣ ё 0,4 фоиз; ҷамъиятҳои дорои масъулияташон маҳдуд –485313,1 ҳазор сомонӣ ё 17,7 фоиз; соҳибкорони инфиродӣ 115764,5 ҳазор сомонӣ ё 4,2 фоиз; маблағгузориҳои хориҷӣ 726655,6 ҳазор сомонӣ ё 26,5 фоиз ва ҷамъиятҳои саҳҳомӣ 268088,4 ҳазор сомонӣ ё 9,8 фоизи ҳаҷми умумии сармоягузориҳои шаҳри Душанберо ташкил медиҳад.
Воридшавии сармоягузориҳо дар моҳҳои январ-декабри соли 2018 дар ноҳияҳои Шоҳмансур 743246,6 ҳазор сомонӣ ё 27,1 фоиз, Исмоили Сомонӣ –533359,6 ҳазор сомонӣ ё 19,4 фоиз, Фирдавсӣ –287538,3 ҳазор сомонӣ ё 10,5 фоиз ва Сино –1178824,5 ҳазор сомонӣ ё 43,0 фоизи ҳаҷми умумии сармоягузориҳои шаҳри Душанберо ташкил медиҳад.
Дар моҳҳои январ-декабри соли 2018 дар иншоотҳои таъиноти истеҳсолӣ ба маблағи 779892,5 ҳазор сомонӣ ё ба андозаи 28,4 фоиз ва дар иншоотҳои таъиноти ғайриистеҳсолӣ ба маблағи 1963076,5 ҳазор сомонӣ ё 71,6 фоизи ҳаҷми умумии сармоягузориҳои шаҳри Душанбе аз худ карда шудаанд.
Дар моҳҳои январ-декабри соли 2018 аз ҳисоби ҳамаи манбаъҳои сармоягузорӣ фондҳои асосӣ ба маблағи 2072788,2 ҳазор сомонӣ ба кор андохта шуданд. 
Фондҳои асосии ба кор андохташуда аз ҳисоби маблағҳои давлатӣ 923527,7 ҳазор сомонӣ ё 44,6 фоиз, аҳолӣ 12316,4 ҳазор сомонӣ ё 0,6 фоиз, ҷамъиятҳои масъулияташон маҳдуд 492164,6 ҳазор сомонӣ ё 23,7 фоиз,  саҳҳомӣ 76113,8 ҳазор сомонӣ ё 3,7 фоиз, хориҷӣ 477452,2 ҳазор сомонӣ ё 23,0 фоиз, соҳибкорони инфиродӣ 91213,5 ҳазор сомонӣ ё 4,4 фоизи ҳаҷми умумии фондҳои асосиро ташкил медиҳанд.
Дар моҳҳои январ-декабри соли 2018 ба масоҳати умумии 217900 метри мураббаъ хонаҳои истиқоматӣ ба истифода дода шудаанд, ки ин нисбат ба моҳҳои январ-декабри соли 2017 -ум 22709 метри мураббаъ ё 11,6 фоиз зиёд мебошад.
Биноҳои истиқоматии ба истифода додашударо дар шаҳри Душанбе, асосан аз ҳисоби маблағҳои давлатӣ ва ҷамъиятҳои масъулияташон маҳдуд сохтаанд, ки он аз ҳисоби маблағҳои давлатӣ 15200 метри мураббаъ ё 7,0 фоиз, ҷамъиятҳои масъулияташон маҳдуд – 162267 метри мураббаъ ё 74,5 фоиз, аҳолӣ –4910 метри мураббаъ ё 2,2 фоиз, саҳҳомӣ – 8972 метри мураббаъ ё 4,1 фоиз, аз ҳисоби соҳибкорони инфиродӣ – 26551 метри мураббаъ ё 12,2 фоизи ҳаҷми умумии хонаҳои истиқоматии ба истифода додашударо ташкил менамояд.
Ташкилотҳои пудратии шаҳри Душанбе дар моҳҳои январ-декабри соли 2018 бо қувваи худ ба маблағи 4582913,8 ҳазор сомонӣ корҳои пудратиро иҷро кардаанд, ки нисбат ба моҳҳои январ-декабри соли 2017 -ум 1175821,2 ҳазор сомонӣ зиёд мебошад, 
Ҳаҷми корҳои пудратӣ, ки бо қувваи ташкилотҳои шакли моликияташон гуногун иҷро карда шудаанд чунин тавсиф мешавад: давлатӣ – 65057,3 ҳазор сомонӣ ё 1,4 фоиз, ҷамъиятҳои саҳҳомӣ –2242229,0 ҳазор сомонӣ ё 48,9 фоиз ва ҷамъиятҳои масъулияташон маҳдуд – 2275627,5 ҳазор сомонӣ ё 49,7 фоизи ҳаҷми умумиро ташкил медиҳанд.

НАҚЛИЁТ

Дар моҳҳои январ-декабри соли 2018 бо ҳама намуди нақлиёт 8842,9 ҳазор тонна бор кашонда шудааст, ки нисбат ба ҳамин давраи соли гузашта 6,8 фоиз зиёд аст.
Дар моҳҳои январ-декабри соли 2018 бо ҳама намуди нақлиёти автомобилӣ 8411,8 ҳазор тонна бор кашонда шудааст. 
Таносуби боркашонии нақлиёти автомобилӣ дар ҳаҷми умумии боркашонӣ 95,1 фоизро ташкил дод.
Дар давраи ҳисоботӣ ҳаҷми боркашонӣ бо нақлиёти роҳи оҳан 430,4 ҳазор тоннаро ташкил дод, ки нисбат ба ҳамин давраи соли гузашта 270,7 ҳазор тонна зиёд мебошад.
Бо нақлиёти ҳавоӣ дар ин давра 0,7 ҳазор тонна бор кашонда шудааст.
Боргардиши ҳамаи намудҳои нақлиёт дар моҳҳои январ-декабри соли 2018 -ум 396,6 млн. тонна.км ё ин ки нисбат ба ҳамин давраи соли гузашта 37,0 фоиз зиёд мебошад.
Дар моҳҳои январ-декабри соли 2018 бо ҳамаи намуди нақлиёти мусофиркашонӣ 272,7 млн. нафар мусофир кашонда шуд, ки нисбат ба ҳамин давраи соли гузашта 4,6 фоиз зиёд мебошад.
Дар ин давра бо нақлиёти автомобилӣ 261,1 млн. нафар мусофир кашонда шуд, ки аз нишондиҳандаҳои соли 2017-ум, 12,5 млн. нафар зиёд мебошад.
Бо нақлиёти роҳи оҳан дар давраи ҳисоботӣ 0,4 млн. нафар мусофир кашонда шуд, ки нисбат ба ҳамин давраи соли гузашта 20,0 фоиз кам шудааст.
Дар моҳҳои январ-декабри соли 2018 бо нақлиёти ҳавоӣ 0,6 млн. нафар мусофир кашонда шуд, ки дар сатҳи соли гузашта қарор дорад.
Дар давраи ҳисоботӣ бо нақлиёти барқӣ 10,6 млн. нафар мусофир кашонда шуд, ки, нисбат ба ҳамин давраи соли гузашта 4,5 фоиз кам шудааст.
Мусофиргардиши ҳамаи намуди нақлиёт 3115,4 млн. мусофир.км. - ро ташкил дод, ки нисбат ба ҳамин давраи соли гузашта 6,8 фоиз кам мебошад.

САВДО

Дар моҳҳои январ-декабри соли 2018 ҳаҷми гардиши савдои яклухт, чакана ва таъмири автомобилҳо 6673,8 млн. сомониро ташкил дод, ки нисбат ба моҳҳои январ-декабри соли 2017-ум бо нархҳои муқоисавӣ 19,9 фоиз зиёд шудааст.
Ҳаҷми умумии гардиши савдои чакана ва таъмири автомобилҳо 4615,5 млн. сомониро ташкил дод. Аз он ҷумла, дар бозорҳои озуқаворӣ, ашё ва молҳои омехтаи шаҳри Душанбе ба маблағи 1686,8 млн. сомонӣ ё 36,5 фоизи ҳаҷми умумии гардиши моли чаканаро ташкил медиҳад. Дар ин давра ба маблағи 115,9 млн. сомонӣ автомобилҳои боркаш, сабукрав ва қисмҳои эҳтиётии онҳо, 629,8 млн. сомонӣ маҳсулоти нафтӣ ва ба маблағи 2031,8 млн. сомонӣ дигар молҳо фурӯхта шудаанд. Ҳаҷми гардиши корхонаҳо оид ба таъмири автомобилҳо 151,2 млн. сомониро ташкил додааст.
Таносуби молҳои озуқаворӣ дар ҳаҷми умумии гардиши савдои чакана 40,7 фоиз ё 1878,5 млн. сомонӣ ва молҳои ғайриозуқаворӣ 59,3 фоиз ё 2737,0 млн. сомониро ташкил додааст, яъне молҳои озуқаворӣ нисбат ба молҳои ғайриозуқаворӣ ба маблағи 858,5 млн. сомонӣ кам фурӯхта шудааст. 
Дар ҳаҷми умумии фурӯши молҳои чакана қанду шакар ва маҳсулоти қаннодӣ – 36,2 фоиз, орду нон – 4,8 фоиз, гӯшт ва маҳсулоти гӯштӣ – 4,4 фоиз равғани растанӣ ва равғани чорво – 8,9 фоизро ташкил додаанд.
Аз молҳои ғайриозуқаворӣ дар ҳаҷми молҳои чакана таносуби бештар ба доруворӣ – 4,7 фоиз, маҳсулоти нафтӣ – 17,2 фоиз, савдои автомобилҳо ва қисмҳои эҳтиётӣ ба онҳо – 2,9 фоиз, мебел ва маҳсулоти қолинӣ – 0,7 фоиз рост меояд.
Таносуби молгардиши бахши ғайридавлатӣ дар моҳҳои январ-декабри соли 2018-ум 98,1 фоизи ҳаҷми умумиро ташкил кардааст.
          Гардиши хӯроки умумӣ, якҷоя бо хизматрасонии меҳмонхонаҳо ва тарабхонаҳо дар моҳҳои январ-декабри соли 2018-ум 506,0 млн. сомониро ташкил дод, ки нисбат ба ҳамин давраи соли гузашта 3,9 фоиз зиёд шудааст.

ФАЪОЛИЯТИ ИҚТИСОДИИ ХОРИҶӣ

Гардиши савдои хориҷии корхона ва ташкилотҳои шаҳри Душанбе дар моҳҳои январ-декабри соли 2018-ум 398080,9 ҳазор доллари ИМА-ро ташкил дод, ки нисбат ба ҳамин давраи соли 2017-ум 12,8 фоиз ё 45280,9 ҳазор доллари ИМА зиёд шудааст.
Таносуби молиявии бақияи (сальдо) гардиши савдои хориҷӣ дар моҳҳои январ - декабри соли 2018 манфӣ буда, - 360556,1 ҳазор доллари ИМА-ро ташкил дод.
Дар моҳҳои январ-декабри соли 2018 содироти мол 18762,4 ҳазор доллари ИМА-ро ташкил кард, ки нисбат ба моҳҳои январ- декабри  соли 2017-ум 8186,6 ҳазор доллар зиёд аст.
Воридоти мол ба шаҳри Душанбе дар давраи ҳисоботӣ 379318,5 ҳазор долларро ташкил кардааст, ки нисбат ба ҳамин давраи соли 2017-ум 37094,3 ҳазор доллар ё 10,8 фоиз зиёд мебошад.
Оид ба содирот шарикони асосӣ инҳоянд: Туркия 42,8  фоиз, Русия 10,8 фоиз, Эрон 28,0 фоиз, Хитой 1,2 фоиз, Полша 1,2 фоиз, Афғонистон 7,3 фоиз ва ғайраҳо.
Воридоти мол низ асосан аз мамлакатҳои ИДМ сурат гирифтааст: аз ҳаҷми умумии воридот Русия 54,5 фоиз, Қазоқистон 13,5 фоиз, Украина 2,1 фоиз, Туркманистон 2,5 фоиз ва ғайраҳо.
Аз мамлакатҳои хориҷи дур: Хитой 6,8 фоиз, Италия 3,4 фоиз, Эрон 1,4 фоиз, Туркия 2,6 фоиз, Аморати Муттаҳидаи Араб 1,2 фоиз ва ғайраҳо.

ХИЗМАТРАСОНИИ ПУЛАКӣ

Дар моҳҳои январ-декабри соли 2018 ҳаҷми хизматрасонии пулакие, ки ҳамаи соҳаҳои хизматгузор ба аҳолии шаҳри Душанбе расонидаанд, 5823,1 млн. сомониро ташкил дод, ки нисбат ба ҳамин давраи соли гузашта 4,3 фоиз зиёд мебошад.
Дар ин давра ҳаҷми хизматрасонии пулакии корхонаҳои расмӣ ба қайд гирифташудаи Вазорати нақлиёти Ҷумҳурии Тоҷикистон ба 85,2 млн сомонӣ баробар шуд. КВД «Роҳи оҳани Тоҷикистон» ба маблағи 72,9 млн. сомонӣ хизмат расонидааст, ки ин 1,2 фоизи ҳаҷми умумии хизматрасониро ташкил медиҳад. 
Вазни қиёсии хизматрасонии маишӣ дар ҳаҷми умумии хизматрасонии пулакӣ дар моҳҳои январ-декабри соли 2018-ум 9,5 фоизи ҳаҷми умумии хизматрасонии пулакиро ташкил медиҳад.

НАРХ ВА ТАРИФА

Индекси нархҳои истеъмолӣ дар моҳи декабри соли 2018-ум нисбат ба моҳи ноябри соли 2018–ум 100,5 фоиз, аз ҷумла: ба молҳои озуқа – 100,3 фоиз, ба молҳои ғайриозуқа–101,3 фоиз ва хизматрасонии пулакӣ ба аҳолӣ –99,9 фоизро ташкил дод.
Дар моҳи декабри соли 2018 нархи молҳои озуқа (якҷоя бо машрубот) – 0,3 фоиз афзоиш ёфт. 
Дар моҳи декабри соли 2018 аз молҳои озуқавории мушоҳидашуда нархи молҳои зерин қимат шудааст, аз он ҷумла: меваҷот 4,8 фоиз, равғани маска 2,6 фоиз, тухм 2,3 фоиз, қанд якҷоя бо маҳсулоти қаннодӣ 1,2 фоиз ва гӯшт ва маҳсулоти гӯштӣ 0,4 фоиз. 
Ҳамзамон, арзоншавии нархи картошка 8,0 фоиз ва сабзавот 3,8 фоиз ба қайд гирифта шуд.
Аз аввали соли 2018 нархи маҳсулотҳои зерин қимат шудааст, аз он ҷумла: равғани маска 44,6 фоиз, биринҷ 30,1 фоиз, тамоку 22,9 фоиз, қанд якҷоя бо маҳсулоти қаннодӣ 10,1 фоиз, моҳӣ ва маҳсулоти моҳӣ 9,1 фоиз, гӯшт ва маҳсулоти гӯштӣ 8,6 фоиз, орди навъи 1-ум 8,3 фоиз, шир ва маҳсулоти ширӣ 6,7 фоиз, равғани растанӣ 5,9 фоиз, тухм 4,7 фоиз ва макарон 0,1 фоиз. 
Зимнан, аз аввали соли 2018 нархи баъзе молҳои озуқаворӣ арзон шудааст, аз он ҷумла: картошка 43,4 фоиз, сабзавот 13,0 фоиз ва меваҷот 1,1 фоиз.
Дар моҳи декабри соли 2018 аз молҳои ғайриозуқаи мушоҳидашуда баландшавии нархи маҳсулоти нассоҷии маишӣ 6,5 фоиз, доруворӣ 2,7 фоиз, пойафзол 2,5 фоиз, асбобҳои маишӣ 2,3 фоиз, мебел 1,3 фоиз, либос 0,7 фоиз ва масолеҳи бинокорӣ 0,9 фоиз ба қайд гирифта шудааст.
Аз аввали соли 2018 нархи маҳсулотҳои зерин қимат шудааст, аз он ҷумла: маҳсулоти нассоҷии маишӣ 35,4 фоиз, молҳои атриёту косметикӣ 23,0 фоиз, асбобҳои маишӣ 22,4 фоиз, пойафзол 20,2 фоиз, мебел 18,6 фоиз, бензин 15,3 фоиз, доруворӣ 12,9 фоиз, масолеҳи бинокорӣ 11,6 фоиз, таҷҳизоти қабули овоз ва бознависии садо ва тасвир 10,1 фоиз, рӯзномаҳо, маҷаллаҳо ва асбобу анҷоми хатнависӣ 7,3 фоиз, либос 4,2 фоиз, маводи шустушӯӣ 2,7 фоиз ва газвор 2,6 фоиз ба амал омадааст. 
Дар моҳи декабри соли 2018 нисбат ба моҳи ноябри соли 2018 нархи хизматрасонии зерин қимат шудааст, аз он ҷумла: хизматрасонии маишӣ 0,4 фоиз ба қайд гирифта шудааст. 
Ҳамзамон, арзоншавии нархи чиптаҳои ҳавопаймоии хати сайри хориҷӣ 14,2 фоиз, чиптаҳои ҳавопаймоии хати сайри дохилӣ 3,0 фоиз, гази моеъ 2,3 фоиз, чиптаҳои нақлиёти мусофирбар 0,4 фоиз ва хизматрасонии манзилию коммуналӣ 0,1 фоиз ба қайд гирифта шудааст. 
Аз аввали соли 2018 нарху тарифи пулакие, ки ба аҳолӣ расонида шудааст, умуман – 8,2 фоиз қимат шудааст, аз он ҷумла: нархи чиптаҳои ҳавопаймоии хати сайри хориҷӣ 27,4 фоиз, хизматрасонии манзилию коммуналӣ 16,2 фоиз, хизматрасонии муассисаҳои санаторӣ, истироҳатӣ ва беҳдоштӣ 10,1 фоиз, хизматрасонии маишӣ 9,2 фоиз, чиптаҳои нақлиёти мусофирбар 5,9 фоиз, гази моеъ 3,7 фоиз ва чиптаҳои ҳавопаймоии хати сайри дохилӣ 0,2 фоиз ба амал омадааст.

БОЗОРИ МЕҲНАТ ВА ҲАҚҚИ МЕҲНАТ 

Шумораи дар рӯйхатбудаи кормандони кироя дар ҳамаи соҳаҳои фаъолияти иқтисодии шаҳри Душанбе дар моҳҳои январ – ноябри соли 2018-ум 162210 нафарро ташкил дод, ки нисбат ба ҳамин давраи соли гузашта 7195 нафар ё 4,6 фоиз зиёд мебошад. Фонди музди меҳнати кормандони соҳаҳои иқтисодиёти шаҳр дар моҳҳои январ – ноябри соли 2018-ум 3195,6 млн. сомониро ташкил дод, ки ин нисбат ба ҳамин давраи соли гузашта 11,9 фоиз зиёд мебошад.
Шумораи бекорони дар Раёсати Агентии меҳнат ва шуғли аҳолӣ дар шаҳри Душанбе расмӣ ба қайд гирифташуда дар охири моҳи ноябри соли 2018-ум 3225 нафарро ташкил дода, нисбат ба ҳамин давраи соли 2017-ум 16,8 фоиз зиёд шудааст. Аз ҷумлаи бекорони расмӣ ба қайд гирифташуда занон 48,5 фоиз (1563 нафар) - ро ташкил медиҳанд. Сатҳи бекории расмӣ ба қайд гирифташуда нисбат ба шумораи қувваҳои корӣ 1,6 фоизро ташкил кардааст.
Музди миёнаи ҳармоҳаи номиналии кор, ки ба ҳар як корманди кироякор пардохта шуд, дар моҳҳои январ - ноябри соли 2018 ба андозаи 1902,15 сомониро ташкил дод, ки нисбат ба ҳамин давраи соли гузашта 6,8 фоиз зиёд мебошад.
Маблағи умумии қарздорӣ аз пардохти музди меҳнат бо назардошти қарздории солҳои гузашта то охири моҳи ноябри соли 2018 - ум дар шаҳри Душанбе 274,9 ҳазор сомониро ташкил дод.