Маркази барқу гармидиҳии -2 Душанбе
Асосӣ / Хабарҳо
Бахшҳои сайт
Ҷустуҷӯ дар сайт
Хабарҳо
27 Февраль 2012

Қ А Р О Р И РАИСИ ШАҲРИ ДУШАНБЕ № 89  аз  23 феврали  соли 2012

 Дар бораи эьлон намудани озмуни кушод баҳри дарёфти беҳтарин лоиҳаи ангории иншооти «Азнавсозии фаввораҳои шаҳри Душанбе»

 

27 Февраль 2012

ҚА Р О Р И РАИСИ ШАҲРИ ДУШАНБЕ

№ 96 аз 25 феврали соли  2012

 

Дар бораи эълон намудани озмуни кушод ҷиҳати интихоби сармоягузорон байни шахсони воқеъӣ ва ҳуқуқии ватанию хориҷӣ оид ба бунёди маҷмааи биноҳои истиқоматии баландошёна бо ҷойгир намудани маркази савдову хизматрасонӣ дар ошёнаҳои якӯму дуюм ва таваққуфгоҳи зеризаминии дуқабата дар хиёбони  Рудакӣ

 

25 Февраль 2012

 

25 феврали соли 2012 дар Мақомоти иҷроияи маҳаллии ҳокимияти давлатӣ дар шаҳри Душанбе тибқи тартиби ҷорӣ дар моҳи равон аз ҷониби Раиси шаҳри Душанбе Маҳмадсаид Убайдуллоев қабули шаҳрвандоне, ки муроҷиатҳояшон дар сатҳи муовинони Раиси шаҳр ва раисони ноҳияҳо ҳалли худро пайдо накардаанд сурат гирифт.
25 Февраль 2012

           Омодагиҳои шаҳрдорӣ ба тарҳрезию амалисозии нақшаҳо оид ба истиқболи сазовори Наврўзи байналмилалии -2012 вусъати тоза касб мекунанд. Дар робита ба ин дар радифи чорабиниҳои фарҳангии театрикунонидашуда баргузории мусобиқаҳои гуногуни варзишӣ баҳри таблиғи оммавияти варзиш ва ҷалби сокинон ба пешбурди тарзи ҳаёти солим ба нақша гирифта шудааст.

23 Февраль 2012

Дар робита ба иншооти дорои аҳамияти ёдгории таърихӣ дар ҳудуди  шаҳри Душанбе  Мақомоти иҷроияи маҳаллии ҳокимияти давлатӣ дар шаҳри Душанбе бо такя ба иттилои Вазорати фарҳанги Ҷумуҳрии Тоҷикистон № 1-11/431 аз 23 феврали соли 2012 ба маълумоти сокинон мерасонад, ки феълан дар пойтахт танҳо иншооти:

 

20 Февраль 2012

20 феврали соли 2012 дар Мақомоти иҷроияи маҳаллии ҳокимияти давлатӣ дар шаҳри Душанбе таҳти раёсати Маҳмадсаид Убайдуллоев  ҷаласаи навбатии васеи кории шаҳрдорӣ оид ба баррасии масоили татбиқи Нақшаи генералии шаҳри Душанбе дар қисмати роҳҳои протоколии ҳалқаи якуми шаҳр:  кўчаи С.Айнӣ ва хиёбони Рўдакӣ баргузор гардид.

20 Февраль 2012

Татбиқи Нақшаи генералии шаҳри Душанбе дар қисмати роҳҳои протоколии ҳалқаи якуми шаҳр:

 кӯчаи С. Айнӣ ва хиёбони Рӯдакӣ  оғоз мегардад.

 

Зимни роҳандозии ин тадбир аз ҷониби Мақомоти иҷроияи маҳаллии ҳокимияти давлатӣ дар шаҳри Душанбе ба ҳеҷ ваҷҳ ҳуқуқҳои соҳибмулкон поймол нахоҳанд гашт ва манфиатҳои онҳо дар доираи санадҳои меъёрии ҳуқуқии кишвар ҳатман  риоя ва ҳифз карда мешаванд

Соҳибмулкон имкон доранд аз ҳисоби маблағҳои худӣ ё ҷалби сармоягузорони интихобкардаашон бунёди иншооти тибқи Нақшаи генералии шаҳри Душанбе дар минтақаҳои мавриди таваҷҷӯҳ беш аз нӯҳ ошёна пешбинигардидаро дар асоси лоиҳаҳои бо шаҳрдорӣ ба мувофиқарасида амалӣ созанд.

Дар сурати надоштани имкониятҳои молиявӣ, ё худ дар заминаи иншооти мавҷудаашон бо бартарафсозии онҳо пешбинӣ гардидани мавзеъҳои кабудизоркунию ободонӣ ҳар кадоме ҳуқуқ доранд, ки бар ивази иншооташон арзиши бозории онро мутобиқ ба муқаррароти қонунгузории амалкунанда аз ҳисоби фармоишгар ҷуброн гиранд, ё дар асоси шартномаи тарафайн миёни фармоишгар ва соҳибмулк аз ҳисоби иншооти бунёдшаванда минбаъд иншоот ё квартираи бартарафгардидаашонро баробар ба масоҳати мавҷуда дастрас намоянд.

Дар сурати надоштани имкониятҳои молиявӣ онҳо ҳуқуқ доранд, ки бар ивази иншооташон арзиши бозории онро мутобиқ ба муқаррароти қонунгузории амалкунанда аз ҳисоби фармоишгар, ё худ дар асоси шартномаи тарафайн миёни фармоишгар  ва соҳибмулк  аз ҳисоби иншооти бунёдшаванда минбаъд иншоот ё квартираи бартарафгардидаашонро баробар ба масоҳати мавҷуда дастрас намоянд.

Дар робита ба масъалаи мазкур Мақомоти иҷроияи маҳаллии ҳокимияти давлатӣ дар шаҳри Душанбе баҳри таъмини шаффофияти фаъолият ва бархурдории аҳли ҷамоатчигии шаҳр нисбати амалисозии лоиҳаи мазкур рӯйхати иншооти бартарафшаванда  ва дар заминаи онҳо қоматафрозандаро нашр менамояд.

 

16 Февраль 2012

БАРНОМАИ

Мақомоти иҷроияи маҳаллии ҳокимияти давлатӣ дар шаҳри Душанбе

оид ба самтҳои асосии тараққиёти иқтисодӣ ва рушди иҷтимоии

шаҳри Душанбе дар фазои идомаи ташаббусҳои созанда ва

масъулияти шаҳрвандӣ дар соли 2012

Барнома густариш ва тақвият бахшидан ба равандҳои  дигаргунсозиҳо дар соҳаҳои мухталифи идоракунию хоҷагидории шаҳрро бо мақсади таъмин намудани рушди устувор ва ноил гардидан ба самаранокии фаъолияти соҳаҳои гуногуни истеҳсолию хизматрасонӣ, соҳибкории хурду миёна, бо пуррагӣ фаро гирифтани андозсупорандагон ва манбаъҳои андозбандӣ ҷиҳати афзун гардонидани қисми даромади буҷет ва дар заминаи онҳо фароҳам овардани шароити зиндагии арзанда ва инкишофи озодона барои ҳар як инсон дар шаҳрро дар бар гирифта ба ҳаллу фасли масъалаҳои асосии дар зер ифодагардида нигаронида шудааст:

 

15 Февраль 2012

Мақомоти иҷроияи маҳаллии ҳокимияти давлатӣ дар шаҳри Душанбе баҳри дастгирии соҳибҳкорӣ ва фароҳам овардани шароитҳо дар иштироки субъектҳои соҳибкорӣ ба татбиқи барномаҳои сохтмонии шаҳрдорӣ, ки бо ин васила барои нуқтаҳои савдои бунёдшаванда ҳуқуқи соҳибмулкӣ пайдо менамоянд, аз 15 то 25 феврали соли 2012 лоиҳаи сохтмони иншооти гузаргоҳи зеризаминии пиёдагардон дар кўчаи Н. Қарабоев, назди бозори «Саховат»-ро барои сохтмони инфиродӣ ё худ дастаҷамъона ба озмун мегузорад.

15 Февраль 2012

Мақомоти иҷроияи маҳаллии ҳокимияти давлатӣ дар шаҳри Душанбе дар робита ба идомаи тарҳрезии бунёди комплексҳои меъмории иншоотҳои ҳукуматӣ дар минтақаҳои ҳамшафат ва фарогири майдони «Дӯстӣ»-и шаҳри Душанбе, ки бар асоси он нисбати азнавсозӣ ва дар заминаи иншооти мавҷудаи Почтаи марказӣ, Кохи Ҷомӣ, бинои вазорати кишоварзӣ ва Муассисаи давлатии «Телевизиони Сафина» пешбинӣ намудани бунёди иншооти ҳукуматӣ, ба иттилоъ мерасонад, ки барои интихоби лоиҳаҳои дахлдор бо ин мақсад озмун на аз ҷониби шаҳрдорӣ, балки аз тарафи  Агентии сохтмон ва меъмории назди Ҳукумати Ҷумҳурии Тоҷикистон эълон карда шудааст.