Китобхонаи миллии Тоҷикистон
Асосӣ / Хабарҳо
Бахшҳои сайт
Ҷустуҷӯ дар сайт
Хабарҳо
20 December 2010

17 декабри соли 2010 дар толори ДДОТ ба номи Садриддин Айнӣ мулоқоти вакили Маҷлиси вакилони халқи шаҳри Душанбе аз хавзаи интихоботии шаҳри №25- Раиси шаҳри Душанбе Махмадсаид Убайдуллоев бо интихобкунандагон баргузор гардид.

Мулоқоти мазкур дар доираи иҷрои муқаррароти қарори дахлдори Маҷлиси вакилони халқи шаҳри Душанбе, даъвати чорум, ки бояд ҳар як вакил қабл аз баргузории иҷлосияҳо бо интихобкунандагон вохўриҳо анҷом дода, масъалаҳои ба ташвишовардаи интихобкунандагонро, ки фарогири салоҳияти маҷлиси намояндагии шаҳрӣ маҳсуб меёбад барои баррасӣ пешниҳод намоянд, амалӣ карда шуд.

 

17 December 2010

Комиссияи тендерии Воҳиди хариди Мақомоти иҷроияи маҳаллии ҳокимияти давлатӣ дар шаҳри Душанбе тибқи иҷрои Қарори Раиси шаҳри Душанбе №663 аз 14.12.2010 «Дар бораи баргузории тендер» оид ба хариди мебели мактабӣ, томактабӣ,  компютер ва тахтаи электронӣ бо иштироки маҳдуди довталабоне, ки мебели мактабӣ, томактабӣ, компютер ва тахтаи электронӣ истеҳсол менамоянд тендер эълон менамояд.

Иштироки довталабон дар озмун бо назардошти пешниҳоди ҳуҷҷатҳо бо шартҳои зерин ба инобат гирифта мешавад.

-оинномаи корхона;

-иҷозатнома (литсензия) барои иҷрои корҳои хариду фурўш;

          -кафолати таъмини пешниҳоди тендерӣ (кафолати бонкӣ);

            - гувоҳномаи Нозироти андоз;

            - маълумотнома оид ба коҳои иҷрошуда дар ду се соли охир;

            - пардохти ҳаққи иштирок дар тендер.

16 December 2010

16 декабри соли 2010 дар Маҷлиси миллии Маҷлиси Олии Ҷумҳурии Тоҷикистон таҳти раёсати Маҳмадсаид Убайдуллоев иҷлосияи сеюми  Маҷлиси миллии Маҷлиси Олии Ҷумҳурии Тоҷикистон даъвати чорум баргузор гардид.

Дар он аъзои Маҷлиси миллӣ бо интихоби котибот ва тасдиқи рӯзномаи иҷлосия ба баррасии 48 масъалаҳои дар он шомилгардида, шурӯъ намуданд.

            Аъзои Маҷлиси миллӣ зимни баррасии масъалаҳо бо хулоса аз гузоришҳои аз тарафи раисон ва муовинони Кумитаҳои марбутаи Маҷлиси миллӣ Мамадшо Илолов, Матлубхон Давлатов, Муним Холиқов, Убайдулло Қурбонов ва Садриддин Шарипов пешниҳодгардида, ворид намудани тағйиру иловаҳо ба як зумра Қонунҳои Ҷумҳурии Тоҷикистон, ки бо мақсади такмилу мукаммалгардонӣ ва мутобиқсозии ҳар кадоми онҳо ба санадҳои меъёрии ҳуқуқии дар Ҷумҳурии Тоҷикистон амалкунанда, ки аз ҷониби субъектҳои ҳуқуқи ташаббуси қонунгузорӣ таҳия гашта, баъд аз қабули Маҷлиси намояндагони Маҷлиси Олӣ унвонии Маҷлиси миллӣ пешниҳодёфтаро бо мавриди муҳокима қарор додан ҷонибдорӣ намуданд.

15 December 2010

15 декабри соли 2010 дар Маҷлиси миллии Маҷлиси Олии Ҷумҳурии Тоҷикистон таҳти раёсати Маҳмадсаид Убайдуллоев ҷаласаи Шўрои Маҷлиси миллӣ баргузор гардид.

            Дар ҷаласа аъзои Шўро 47 масъалаҳоро марбут ба ворид намудани таѓйиру иловаҳо ба як зумра Қонунҳои Ҷумҳурии Тоҷикистон, ки бо мақсади такмилу мукаммалгардонӣ ва мутобиқсозии ҳар кадоми онҳо ба санадҳои меъёрии ҳуқуқии дар Ҷумҳурии Тоҷикистон амалкунанда, ки  аз ҷониби субъектҳои  ҳуқуқи ташаббуси қонунгузорӣ таҳия гашта, баъд аз баррасии Маҷлиси намояндагони Маҷлиси Олӣ унвонии Маҷлиси миллӣ пешниҳод гардидаро мавриди муҳокима қарор доданд.

13 December 2010

13 декабри соли 2010 дар Мақомоти иҷроияи маҳаллии ҳокимияти давлатӣ дар шаҳри Душанбе таҳти раёсати Маҳмадсаид Убайдуллоев ҷаласаи васеи кории шаҳрдорӣ оид ба баррасии масоили мубрами ҳаёти хоҷагидории шаҳр доир гардид.

Қабл аз ҳама ҳолати иҷроиши нақшаи чорабиниҳои Қарори Раиси шаҳри Душанбе № 553 аз 31 октябри соли 2008 «Дар бораи омодагӣ ба ҷашни 20-солагии истиқлолияти   давлатии  Ҷумҳурии   Тоҷикистон» ва иштироки аҳли ҷамоатчигӣ ва субъектҳои хоҷагидории пойтахт ба маъракаи 900-рўзи ободонӣ, ки аз 20 марти соли 2009 то 6 сентябри соли 2011 эълон гардидааст,  матраҳ карда шуд.

7 December 2010

6 декабри соли 2010 дар Маҷлиси миллии Маҷлиси Олии Ҷумҳурии Тоҷикистон мулоқоти Раиси Кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният Мамадшо Илолов бо узви Палатаи Лордҳои Британияи Кабир , аъзои Гурӯҳи Британиявии Иттиҳоди Байнипарламентӣ баронесса Вивен Стерн баргузор гардид.

Дар ҷараёни мулоқот ҷонибҳо масоили рушди ҳуқуқи инсон ва таъмини волоияти қонун дар Ҷумҳурии Тоҷикистонро мавриди баррасӣ қарор дода, қадамҳо ва дастовардҳои ҷомеаи Тоҷикистони навинро дар ин самт умедбахш маънидод карданд.

6 December 2010

6 декабри соли 2010 дар Мақомоти иҷроияи маҳаллии ҳокимияти давлатӣ  дар шаҳри Душанбе ҷаласаи корӣ  оид ба баррасии масоили сохтмонӣ ва рафти иҷрои Қарорҳои марбутаи Раиси шаҳри Душанбе бобати ҷудо намудани қитъаи замин ва  иҷозати сохтмони иншооти мухталиф дар асоси Нақшаи генералӣ ба шахсони воқеиву ҳуқуқӣ тибқи таҳлилҳои анҷомдодаи масъулини шаҳрдорӣ, таҳти раёсати Маҳмадсаид Убайдуллоев баргузор гардид.

Дар кори ҷаласа роҳбарон ва намояндагони сохторҳои масъули ҷумҳуриявӣ, масъулини шаҳрдорӣ ва соҳибмулкони беш аз 100 иншооти дахлдор ширкат варзиданд. Зимни баррасии ҳолати ҷараёни корҳои сохтмонӣ дар иншооти зикргардида, маълум гардид, ки бо вуҷуди  дар асоси Қарорҳои дахлдори Раиси шаҳри Душанбе сурат гирифтани корҳои сохтмонӣ аз ҷониби на ҳама соҳибмулкон иншоот пас аз сохтмон ба комиссияи давлатии қабул пешниҳод гашта, хилофи талаботи санадҳои меъёрии ҳуқукӣ оид ба сохтмон ва меъморӣ онҳо мавриди истифода қарор гирифта, бо ҷурми ин камбудиҳои ҷойдошта дар ҳисоботҳои оморӣ маълумот ирсол нагаштаанд.

4 December 2010

4 декабри соли 2010 дар Мақомоти иҷроияи маҳаллии ҳокимияти давлатӣ дар шаҳри Душанбе тибқи тартиби ҷорӣ дар моҳи равон аз ҷониби Раиси шаҳри Душанбе Маҳмадсаид Убайдуллоев қабули шаҳрвандоне, ки дар тӯли моҳ муроҷиатҳояшон дар сатҳи  муовинони Раиси шаҳр ва раисони ноҳияҳо ҳалли худро пайдо накардаанд сурат гирифт.

30 November 2010

30 ноябри соли 2010 дар КВД «Маркази равобити пойтахт» аз ҷониби  Раиси шаҳри Душанбе Маҳмадсаид Убайдуллоев  расми фаъолияти нахустин Муассисаи давлатии «Маркази худшиносии бонувон дар шаҳри Душанбе» ҳусни оғоз бахшида шуд.

Муассисаи мазкур бо Қарори Раиси шаҳри Душанбе № 460 аз 27 августи соли 2009 баҳри татбиқи Қарори Ҳукумати Ҷумҳурии Тоҷикистон № 391 аз 8 августи соли 2001 «Дар бораи Барномаи давлатии « Самтҳои асосии сиёсати давлатӣ оид ба таъмини ҳуқуқу имкониятҳои баробари мардон ва занон дар Ҷумҳурии Тоҷикистон барои солҳои 2001- 2010» ташкил ёфта, аз ҳисоби буҷети шаҳр Душанбе маблаѓузорӣ карда мешавад.

22 November 2010

ХАРИДИ  КОР БАРОИ  БЕҲТАРГАРДОНИИ  БИНО ВА РОҲҲОИ

 ҚИТЪАИ  ПАРТОВГОҲИ ШАҲРӣ

 

Даъвати мазкур барои иштирок дар Озмуни харид дар асоси Огоҳинома оид ба Хариди Умуми барои Лоиҳаи мазкур, ки  8 марти соли 2010  дар веб-сайти Бонки Аврупоии Таҷдид ва Рушд интишор шудааст, пешниҳод мегардад.

Шаҳри Душанбе (Фармоишгар), минбаъд ҳамчун «Фармоишгар», истифодабарии қисми маблағҳои Қарзӣ ва Грантии Бонки Аврупоии Таҷдид ва Рушд (Бонк) дар қисмати масрафҳои Лоиҳаи «Идоракунии партовҳои сахти маишии шаҳри Душанбе» пешбинӣ намудааст.