Шаршара дар Душанбе
Асосӣ / Хабарҳо
Бахшҳои сайт
Ҷустуҷӯ дар сайт
Хабарҳо
14 March 2011

Қарори раиси    шаҳри    Душанбе №152     аз  аз 4 марти соли 2011

       

         Дар    бораи   даъват   намудани   иҷлосияи    панҷуми  Маҷлиси вакилони халқи шаҳри  Душанбе

даъвати чорум

 

14 March 2011

ҚАРОРИ РАИСИ ШАҲРИ ДУШАНБЕ №153 аз 4 марти  соли 2011

Дар бораи баргузории мусобиқаҳои кушоди варзишии гуштини миллӣ ва пойгаи равон ба муносибати ҷашни байналмилалии «Наврӯз-2011» дар шаҳри Душанбе

10 March 2011

 Шаҳрдории Душанбе дар доираи татбиқи барномаҳои экологии Мақомоти иҷроияи маҳаллии ҳокимияти давлатӣ дар шаҳри Душанбе ва тақвияти корҳои  ободонию омодагӣ ба ҷашни 20-солагии Истиқлолияти давлатӣ дар пойтахт ва истиқболи сазовори Наврӯзи байналмилалӣ  ташаббуси Ҷамъияти саҳомии пӯшидаи «ТТ мобайл»-ро бобати доир намудани аксияи «Шанбегии сабз» ҷонибдорӣ намуд. 

7 March 2011

Мулоқотҳои Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев дар доираи аввалин сафари ҳайати парламентии Тоҷикистон ба парламенти Шоҳигарии Британияи Кабир ва Ирландияи Шимолӣ нимаи дуюми моҳи ноябри сол 2010 анҷомгирифта ба рушди муносибатҳои байнипарламентӣ ва робитаҳои ҳукуматӣ  низ самараи нек медиҳанд.

7 March 2011

7 марти соли соли 2011 дар Мақомоти иҷроияи маҳаллии ҳокимияти давлатӣ дар шаҳри Душанбе таҳти раёсати Маҳмадсаид Убайдуллоев  ҷаласаи корӣ оид ба баррасии масоили мубрами ҳаёти хоҷагидории шаҳр доир гардид.

Дар ҷаласа  бо таъкиди назорати қатъии иҷрои тадбирҳои аз ҷониби шаҳрдорӣ оид ба ғановати бозори истеъмолӣ баҳри ҳимояи ҳуқуқи истеъмолкунандагон роҳандозигаридида, аз тарафи масъулини соҳа,  М. Убайдуллоев, афзуд, ки дар идомаи чораҳои мусоидаткунанда бо Қарори Раиси шаҳри Душанбе № 144 аз 3 марти соли 2011 баҳри харидории шаш номгӯи асосии маҳсулоти ниёзи аввалияи кишварзию агросаноатӣ (гӯшт, картошка, пиёз, орд, равғани растанӣ, биринҷ)   ба КВД «Савдо ва бозорҳои шаҳри Душанбе» аз ҳисоби маблағҳои озоди буҷети шаҳрӣ 4 миллион сомонӣ қарзи бефоиз бо мӯҳлати баргардонидани он то 1 декабри соли 2011 ҷудо намуд.  Дар ин зимн муқаррар карда шуд, ки маблағҳои чиниши яквақта ва кору хизматрасониҳоро, ки ба суратҳисоби ҷории бозорҳо ворид мегарданд, роҳбарияти бозорҳои коммуналӣ ба харидорӣ намудани дигар маҳсулотҳои аввалиндараҷаи ниёзи мардум, аз қабили сабзӣ, карам, гандум, помидору бодиринг, шир, тухм ва махсулоти полезӣ сафарбар намуда, бо   ин мақсад шартномаҳои пешакиро бобати хариди маҳсулоти кишварзӣ бо хоҷагиҳои деҳқонию фермерӣ ва дигар сохторҳои кишоварзӣ  бо назардошти то 20% пешпардохти маблағҳо ба имзо расонанд ва ҷиҳати ташкили хоҷагиҳои ёрирасон барои гирифтани қитъаи замин аз ноҳияҳои тобеи ҷумҳурӣ чораҳои зарурӣ андешанд.

28 February 2011

Мутобиқ ба анъанаи ҷойдошта ва татбиқи амалии сиёсати Сарвари давлат оид ба дастгирии иҷтимоии табақаҳои алоҳидаи эҳтиёҷманд ба ифтихори таҷлили нахустин Наврўзи байналмилалӣ дар пойтахт Раиси шаҳри Душанбе Маҳмадсаид Убайдуллоев дар асоси Қарорҳои дахлдори худ 4000 нафарро бо кўмакпулиҳои якдафъина сарфароз гардонид.

28 February 2011

28 феврали соли 2011 дар толори КВД «Маркази равобити пойтахт» ҷаласаи навбатии шаҳрдории Душанбе бо иштироки фаъолони шаҳр, масъулини соҳаҳои шаҳрдорӣ, мақомоти ҳифзи ҳуқуқ ва раисони шўрои шаҳраку маҳаллаҳо ва роҳбарони ширкатҳои соҳибмулкони манзил, ки аз инститтҳои рушдкардаи шаҳр маҳсуб меёбанд, таҳти раёсати Маҳмадсаид Убайдуллоев доир гардид.

 

24 February 2011

Мақомоти иҷроияи маҳаллии ҳокимияти давлатӣ дар шаҳри Душанбе тибқи Қарори Раиси шаҳри Душанбе №107 аз 18 феврали соли 2011 барои интихоби беҳтарин лоиҳакаш ва иҷрокунандаи корҳои равшаннамои бинои «Душанбе плаза» аз рӯйи таъиноту рангҳои мувофиқ, тибқи шартҳои озмуни замимагардида, байни  шахсони воқеӣ ва ҳуқуқии ватанию хориҷӣ озмуни кушод аз 21 феврали соли 2011 бо ҷамъбасти он на дертар аз 30  марти соли 2011 эълон мекунад.

23 February 2011

Тадбирҳои андешидаи шаҳрдории Душанбе ҷиҳати ғановати бозори истеъмолӣ ва дар сатҳи дастрас нигоҳ доштани  нархи маҳсулоти ниёзи аввалия  имрўзҳо самараи нек медиҳанд. Ҳамкориҳои иҷтимоӣ бо бахши соҳибкорӣ ва  директорони  бозорҳои дар ҳудуди марзии пойтахт фаъолияткунанда новбаста аз шакл ва тобеияти идоравӣ ва фаъолияти комиссияҳои депутатию ҷамъиятӣ оид ба пешбурди ҳамарўзаи мониторинги нарх дар бозорҳо боис мегарданд, ки дастрасии истеъмолкунандагон ба анвои маҳсулот таъмин гардад.

21 February 2011

21 феврали соли 2011 дар Мақомоти иҷроияи маҳаллии ҳокимияти давлатӣ дар шаҳри Душанбе таҳти раёсати Маҳмадсаид Убайдуллоев ҷаласаи васеи кории шаҳрдорӣ баргузор гардид.

Дар кори ҷаласа дар радифи масъулини сохторҳои шаҳрӣ, мақомоти ҳифзи ҳуқуқ инчунин директорони бозорҳои дар ҳудуди шаҳр фаъолияткунанда новобаста аз шакл ва тобеияти идоравӣ ширкат варзиданд.