БАРГУЗОРИИ ПОЙГАИ АСПДАВОНӢ ДАР ПОЙТАХТ

ш.Душанбе. 17.03.2024. Дар асоси қарори Раиси шаҳри Душанбе бахшида ба ҷашни байналмилалии Наврӯз дар Муасиссаи давлатии “Наврӯзгоҳ”-и Мақомоти иҷроияи ҳокимияти давлатии шаҳри Душанбе мусобиқаи пойгаи аспдавонӣ баргузор гардид.

Дар ин мусобиқа аз рӯи 8 номинатсия дар масофаҳои 1200 ва 1800 метр сабқатҳо баргузор карда шуданд. Дар мусобиқаи мазкур муовинони Раиси шаҳри Душанбе Раҳимзода Толиб ва Фақерзода Рустам, раиси ноҳияи Исмоили Сомонӣ Қодирзод Руслан, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Собирзода Парвиз, сардори Раёсати кор бо ҷавонон ва варзиши шаҳри Душанбе Раҳимзода Шоҳзод, мудири шуъбаи иттилооти дастгоҳи Раиси шаҳри Душанбе Олимов Ҷамшед, масъулини Федератсияи пойга ва бузкашии Ҷумҳурии Тоҷикистон ва сохторҳои марбута ҳузур доштанд.

Қобили зикр аст, ки дар ин мусобиқаи шаҳри Душанбе оид бапойгаи аспдавонӣ дар масофаҳои гуногун зотҳои тоҷикӣ ва англисӣ аз минтақаҳои гуногуни ҷумҳурӣ - вилоятҳои Суғду Хатлон, шаҳри Душанбе ва шаҳру ноҳияҳои тобеъи марказ аспсаворон барои иштирок дар ин мусобиқа ҳузӯр доштанд.

Мусобиқа дар сатҳи баланд баргузор гардида, ғолибон дар ҳама масофаҳо аз рӯи 8 наминатсия бо муофотҳои пулӣ ба миқдори 10000 (даҳ ҳазор) сомонӣ барои ҷои 1, 7000 (ҳафтҳазор) сомонӣ барои ҷои 2, 5000 (панҷ ҳазор) сомонӣ барои ҷои 3 ва диплом, медал ва ҷоми мусобиқа аз ҷониби Мақомоти иҷроияи ҳокимияти давлатии шаҳри Душанбе қадрдонӣ карда шуданд.

Мусобиқаи мазкур барои дарёфти Ҷоми Раиси шаҳри Душанбе баргузор гардида, дар сабқат ғолибони ҷои аввал сазовори Ҷоми Раиси шаҳри Душанбе дар ҳар як наминатсия гардида, аз рӯи натиҷаи мусобиқа ғолибон муайян гардиданд:

Аз ҷумла дар пойгаи 1 – ум, дар масофаи 1200 метр байни зоти аспҳои тоҷикии дусола, асп бо лақаби “Марҳабо”, солаш 2022, рангаш туруқ, аз шаҳри Хуҷанд, соҳиби асп Алиев Аъзамхон, чобуксавор Усмонов Шукрулло дар 1 дақиқаю 24 сония ба мара расида сазовори ҷои 1 –ум гардид. Ҷои 2 – юм Асп бо лақаби “Бурак” солаш 2022, рангаш ҷеран, аз шаҳри Хуҷанд, соҳиби асп Саидолимзода Сайдамир ва чобуксавор Абдуқодиров Аминҷон дар 1 дақиқаю 26 сония сазовор гардид ва ба ҷои 3 – юм асп бо лақаби “Ледная ноч” солаш 2022, рангаш туруқ, аз шаҳри Душанбе, соҳиби асп Насриддинов Муродбек, чобуксавор Саломов Фирдавс дар 1 дақиқаю 27 сония сазовор гардид.

Пойгаи 2 – юм, дар масофаи 1200 метр байни зоти аспҳои ахалтекин, асп бо лақаби “Сарбаланд”, солаш 2019, рангаш саманд, аз шаҳри Душанбе, соҳиби асп Анушервони Рустам, чобуксавор Саломов Фирдавс дар 1 дақиқаю 20 сония ба мара расида сазовори ҷои 1 –ум гардид. Ҷои 2 – юм асп бо лақаби “Стелла” солаш 2020, рангаш сиёҳ, аз шаҳри Душанбе, соҳиби асп Шукуров Бадриддин, чобуксавор Шарофиддинов Манучеҳр дар 1 дақиқаю 21 сония сазовор гардид ва ба ҷои 3 – юм асп бо лақаби “Самарқанд” солаш 2018, рангаш саманд, аз шаҳри Душанбе, соҳиби асп Анушервони Рустам, чобуксавор Шамшеров Меҳроб дар 1 дақиқаю 23 сония сазовор гардид.

Пойгаи 3 – юм, дар масофаи 1200 метр байни зоти аспҳои МД “Наврӯзгоҳ” ва аспҳои омехта, асп бо лақаби “Султон”, солаш 2016, рангаш туруқ, аз ноҳияи Рудакӣ, соҳиби асп Юнусов Ёқубҷон, чобуксавор Юнусов Ёқубҷон дар 1 дақиқаю 26 сония ба мара расида сазовори ҷои 1 –ум гардид. Ҷои 2 – юм асп бо лақаби “Шамол” солаш 2018, рангаш ҷеран, аз ноҳияи Нуробод, соҳиби асп Ҷамилов Абдухалил, чобуксавор Ҷамилов Амрулло дар 1 дақиқаю 27 сония сазовор гардид ва ба ҷои 3 – юм асп бо лақаби “Заврақ” солаш 2017, рангаш туруқ, аз шаҳри Душанбе, соҳиби асп МД “Наврӯзгоҳ”, чобуксавор Ҷумаев Азамат дар 1 дақиқаю 27,47 сония сазовор гардид.

Пойгаи 4 – ум, дар масофаи 1200 метр байни зоти аспҳои омехта, асп бо лақаби “Сентуриён”, солаш 2020, рангаш туруқ, аз шаҳри Душанбе, соҳиби асп Ҳасанзода Рустам, чобуксавор Саломов Фирдавс дар 1 дақиқаю 19 сония ба мара расида сазовори ҷои 1 –ум гардид.