ШАРҲУ ТАВЗЕҲИ ПАЁМИ ПЕШВОИ МИЛЛАТ БА СОКИНОНИ МАМЛАКАТ

Ҳамчунин санаи 10 феврал чунин чорабинӣ вобаста ба шарҳу тавзеҳи моҳияти Паёми Пешвои миллат дар Муассисаи таҳсилоти миёнаи №-100 пойтахт таҳти намояндагии муовини Раиси шаҳри Душанбе Д.Н. Одиназода ва ҳайти гуруҳи корӣ баргузор шуд. Масъулин пиромуни ҳадафу моҳияти Паёми Президенти кишвар сухан ронда, аз ҷумла зикр карданд, ки Паёми имсола ба Маҷлиси Олии Ҷумҳурии Тоҷикистон ва мардуми шарифи мамлакат дар ҳоле ироа гардид, ки тамоми сохторҳои давлатию ҷамъиятӣ ва мардуми шарифи кишвар барои сазовор истиқбол намудани сиюмин солгарди Истиқлолияти давлатии Ҷумҳурии Тоҷикистон омодагӣ мегиранд.