Сармоягузорӣ

 

Фаъолияти сармоягузорӣ ва идораи амволи давлатии мақомоти иҷроияи ҳокимияти давлатии шаҳри Душанбе дар нуҳ моҳи соли 2019

 Сармоягузорӣ. Дар шаҳри Душанбе 11 лоиҳаи давлатии сармоягузорӣ бо арзиши 548,2 млн. доллари ИМА амалӣ шуда истодааст, ки аз аввали татбиқ то ин ҷониб 358,5 млн. доллари ИМА аз худ карда шудааст.

Дар давраи ҳисоботӣ дар шаҳри Душанбе ҳаҷми умумии воридоти сармоя зиёда аз 230 миллион долари ИМА-ро ташкил дод, ки аз он сармоягузорӣ хориҷӣ 93,7 млн долл. ИМА-ро ташкил медиаҳад.

Дар моҳҳои январ – июни соли 2019 дар ҳудуди шаҳри Душанбе 32 корхонаю ташкилот бо сармояи хориҷӣ фаъолият намуда, ба иқтисодиёти шаҳр беш аз 93,7 млн доллари ИМА маблағ ворид намуданд. Ки зиёда аз  30, фоизи ҳаҷми умумии воридоти сармояи хориҷии ҷумҳуриро ташкил медиҳад. Аз шумораи умумии корхонаю ташкилотҳо 13 корхона бо маблағи умумии 33 млн доллари ИМА сармояи мустақим ва 23 корхона ба маблағи умумии 63,5 млн доллари ИМА дигар сармоягузориҳоро ҷалб намуданд. Сармояи дохила (маблағгузори дар самти сохтмон) дар давраи ҳисоботи 137 млн долл. ИМА-ро ташкил медиҳад.

Айни ҳол дар шаҳри Душанбе як лоиҳаи давлатии сармоягузорӣ пурра ба анҷом расидааст ва татбиқи ду лоиҳаи давлатии сармоягузорӣ, ки бевосита аз ҷониби мақомоти иҷроияи ҳокимияти давлатии шаҳри Душанбе идора карда мешавад идома дорад, аз ҷумла:

- Лоиҳаи дуюми «Обтаъминкунии шаҳри Душанбе» (DWSP2) бо назардошти маблағгузории иловагӣ (DWSP2AF), дар ҳаҷми 30,0 млн. доллари ИМА, азхудкунии маблағҳо аз аввали татбиқи лоиҳа 26,057 млн. доллари ИМА ё ин ки - 86,85 % фоиз (аз ҷониби Бонки Ҷаҳонӣ ва мақомот маблағгузорӣ карда мешавад); - Лоиҳаи «Обтаъминкунӣ ва санитария дар шаҳри Душанбе» (DWSSP), дар ҳаҷми 45,8 млн. доллари ИМА-ро ташкил медиҳад (аз ҷониби Бонки Осиёгии Рушди ва саҳми Ҳукумати Ҷумҳурии Тоҷикистон маблағгузорӣ карда мешавад). Дар айни замон Аз оғози татбиқи Лоиҳа дар ҳаҷми 218,4 ҳазор доллари ИМА аз худ карда шудааст.

Ҷиҳати иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон вобаста ба ҷалби сармоя ба рушди соҳаҳои алоҳидаи шаҳр корҳои муайяне мавриди амал қарор дода шуд. Бо ин мақсад бо намояндагони Гурӯҳи Бонки Ҷаҳонӣ (ГБҶ), Бонки Аврупоии Таҷдид ва Рушд (БАТР) ва Бонки Осиёгии Рушд (БОР) мулоқоти судманд анҷом дода шуда, дар ин мулоқот самтҳои афзалиятноки ҷалби сармоя ба рушди соҳаҳои алоҳидаи шаҳр мавриди баррасӣ қарор дода шуд.

Бо мақсади татбиқи лоиҳаи Бонки Аврупоии Таҷдид ва Рушд оид ба маблағгузории «Лоиҳаи рушди соҳаи гармидиҳӣ дар шаҳри Душанбе», ки дар ҳаҷми 10 млн. доллари ИМА пешбинӣ гардидааст, таҳлили техникию иқтисодӣ гузаронида шуд, ки айни ҳол дар марҳилаи бастани созишнома қарор дорад.

Ҳамзамон бо мақсади татбиқи «Лоиҳаи рушди соҳаи нақлиёти ҷамъиятии мусофиркашонии шаҳри Душанбе, марҳилаи 2», ки дар ҳаҷми 8 млн. доллари ИМА пешбинӣ гардидааст, аз ҷониби Бонки Аврупоии Таҷдид ва Рушд лоиҳаи созишномаҳо ҷиҳати баррасӣ ба шӯъбаҳои дахлдори мақомот пешкаш карда шудааст.

Инчунин оид ба татбиқи лоиҳаи «Рушди соҳаи идоракунии партовҳои сахти маишӣ дар шаҳри Душанбе» раёсати сармоягузорӣ бо кормандони масъули Бонки Аврупоии Таҷдид ва Рушд ҳамкорӣ карда истодаанд. Маблағи лоиҳаи мазкур 10 млн. доллари ИМА ташкил медиҳад. Татбиқи лоиҳаи дигари сохтмонӣ роҳи автомобилгард бо маблағи 46,5 миллион доллар бо тариқи грант аз дарвозаи ғарбии шаҳр то маҳалаи Чортути шаҳри Душанбе дар муҳокима ва ҳамкорӣ бо Ҷумҳурии Ҳиндустон қарор дорад.

Бо мақсади иҷрои дастуру супоришҳои Ҳукумати Ҷумҳурии Тоҷикистон ҷиҳати ҷалби сармоя ба рушди соҳаҳои иҷтимоию иқтисодии шаҳри Душанбе як қатор корҳо амалӣ карда шуд.

Дар шаҳри Душанбе бунёди як қатор корхонаҳои истеҳсолӣ аз тариқи «Борчасп ва борҷома» бо маблағи умумии 15 млн сомонӣ амали шуда истода ва корхонаи истеҳсоли обҳои ташнашикани «Сиёма» ба маблағи 15 млн доллари ИМА, ба фаъолият шурӯъ намуд.

Инчунин аз ҷониби ҶДММ Бисот бо маблағи 27 миллион сомонӣ, корхонаи истеҳсоли мебел ва ҶСК “Равшан” коргоҳи заргарӣ, “Зари тоҷик” бо маблағи умумӣ 10 миллион сомони ва дар кӯли Душанбе аз ҷониби ҶДММ “Сафед дара” таҷҳизоти аквапарки замонавӣ бо маблағи 42 миллион сомонӣ ба кор шуруъ намудаанд. Бояд қайд кард, ки аз ҷониби ширкати ватанӣ ҶСП “Фароз” сохтмонӣ коргоҳи истеҳсоли масолеҳи сохтмон бо маркази савдо ва коргоҳи истеҳсоли масолеҳи доруворӣ бо маблағи зиёда аз 20 миллион сомонӣ идома дорад.

Дар шаҳри Душанбе аз ҷониби соҳибкорони ватани ширкатҳои “Тоҷтекс” ва “Гарди” бунеди 2 фабрикаи дузандагӣ муҷаҳҳаз бо технологияҳои навтарин идома дорад, ки баъди ба кор шуруъ намудани онҳо 600 нафар бо ҷой корӣ доими таъмин мегарданд.

Соли ҷорӣ ба мақсади самаранок истифода бурдани иқтидорҳои истеҳсолӣ ва иншоотҳои моликияти коммуналии шаҳр, ки бекор хобидаанд, корҳои назаррас ба анҷом расонида шуд. Дар минтақаи саноатии шаҳри Душанбе бунёди 12 адад корхонаҳои саноатӣ идома дорад, ки аз ҷумлаи онҳо бунеди корхонаи истеҳсоли қолинҳо “Қолинҳои Душанбе” маблағи 120 миллион сомониро ташкил медиҳад.

Соҳибкорӣ. Яке аз самтҳои афзалиятнок дар шаҳри Душанбе, ин ҳамкорӣ бо бахши хусусӣ маҳсуб ёфта, ҷиҳати нигоҳ доштани заминаҳои мусоиди фаъолияти соҳибкорӣ ва ҷалби бештари сармоя ба иқтисодиёти шаҳри Душанбе ба ҳисоб меравад. Дар ин самт бо мақсади ба кор андохтани иқтидорҳои нав дар соҳаи саноат ва истифодаи самараноки корхонаҳои мавҷуда, ба роҳ мондани истеҳсоли маҳсулоти рақобатпазир ва ивазкунандаи воридот, тақвияти имкониятҳои содиротии кишвар, умуман дар самти иҷрои барномаҳои стратегии мамлакат ва супоришҳои Раиси шаҳри Душанбе оид ба истифодаи самараноки корхонаҳои мавҷуда корҳои назаррас анҷом дода шуданд.

        Тибқи маълумоти Бонки миллии Тоҷикистон ба соҳибкорони шаҳри Душанбе дар давраи ҳисоботи аз ҷониби бонкҳо ва ташкилотҳои қарздиҳии  1 526 443,3 млрд сомони қарз дода шудааст, ки ин нишондод ба 25 фоизи ҳаҷми умумии қарзҳои дода шуда дар миқёси Ҷумҳуриро ташкил медиҳад.

Инчунин тибқи маълумоти феҳристи ягонаи давлатӣ дар нуҳ моҳи соли ҷорӣ дар шаҳри Душанбе шумораи умумии субъектҳои хоҷагидор ба 42210 адад расидааст, ки нисбат ба ҳамин давраи соли гузашта 396 адад кам мебошад.

Шумораи шахсони ҳуқуқӣ дар ин давра 8339 ва шумораи соҳибкорони инфиродӣ бошад 32805 нафар (нисбат ба ҳамин давраи соли гузашта 336 адад кам) аз ҷумла бо патент 23679 нафар ва бо шаҳодатнома 9126 нафарро ташкил медиҳад. (сабабҳо санҷишҳои зиёди беасос)

Инчунин ҷиҳати дастгирии таҳияи лоҳиаҳои тиҷоратии соҳибкорон сохтори шаҳри муассисаи давлатии ташаккул ва рушди соҳибкории истеҳсолии шаҳри Душанбе таъсис дода шудааст.

Аз ҷониби соҳибкорони эҳсонкор оид ба иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон як қатор корҳо ба анҷом расонида шуда истодаанд.

Бо дастгирии соҳибкорони шаҳр дар 8 моҳи соли ҷорӣ 205 хатнаи хайриявии кудакони ятиму бепарастор гузаронида шуд.

Ҳамзамон дар соли 2019 аз ҷониби соҳибкорони ватанӣ таъмири зиёда аз 10,6 км роҳҳо ва сохтмони 4 Муассисаи таҳсилоти миёнаи умумӣ барои 3860 ҷойи нишаст, ки 2 адади он ба охир расида 2 адади дигари он корҳо бо маром идома доранд.

Раёсат дар якҷоягӣ бо Маркази дастгирӣ ва рушди соҳибкории шаҳри Душанбе ҷиҳати ба роҳ мондани ҳамкорӣ дар самти шарикии давлат ва бахши хусусӣ мунтазам ба соҳибкорони шаҳри Душанбе вохӯриҳо баргузор намуда, оид ба мушкилотҳои пайдогардида тавсияву роҳнамоии худро дар доираи қонунгузории амалкунанда мерасонад.

Бо мақсади роҳандозӣ намудани тадбирҳо дар самти ташкили марказҳо ва курсҳои баланд бардоштани сатҳи касбият ва маърифати ҳуқуқиву молиявии соҳибкорону тоҷирон дар якҷоягӣ бо маркази дастгирӣ ва рушди соҳибкории шаҳри Душанбе семинару машваратҳо ташкил ва гузаронида мешаванд. Дар ин давра раёсат дар ҳамкорӣ бо маркази дастгирӣ ва рушди соҳибкории шаҳри Душанбе 10 семинар-машваратҳо бо иштироки зиёда аз 380 нафар соҳибкори ватанӣ, аз ҷумла занҳои соҳибкор дар мавзӯъҳои гуногун, бахусус дар мавзӯи “Имтиёзҳо”, “Андоз ва андозбандӣ”, “Шарикии давлат ва бахши хусусӣ”, “Соҳибкор – дар бораи санҷиш чиро бояд донад”, “Санҷишҳои комералӣ ва мӯҳлати гузаронидани онҳо” ва дигар масалаҳо роҷеъ ба низоми андозбандӣ дар Ҷумҳурии Тоҷикистон баргузор намуд.

Доир ба баланд бардоштани маърифати ҳуқуқии соҳибкорон дар моҳи апрели соли 2019 дар якҷоягӣ бо  ширкати “Тоҷ-Сармоя” семинар-машварат бо иштироки зиёда аз 100 нафар соҳибкорони ватани ва хориҷи гузаронида шуд, ки дар ин чорабинӣ доираи васеи соҳибкорони шаҳри Душанбе иштирок намуданд.

Бо мақсади татбиқи лоиҳаҳо дар доираи механизму шарикии давлат бо бахши хусусӣ курси омӯзиши бо иштироки намояндагони мақомотҳои давлатӣ шаҳр ва бахши хусусӣ оид ба таҳияи лоиҳаҳо дар доираи механизми шарикии давлат ва бахши хусусӣ аз ҷониби коршиносонӣ байналмилалӣ дар назар гузаронида шуд.  Намояндагони бахши хусусӣ ва намояндагони сохторҳои шаҳрӣ дар чорабинии мазкур лоиҳаҳои худро ба МД «Маркази татбиқи лоиҳаҳои шарикии давлат ва бахши хусусӣ» пешкаш намуданд.

Иҷозатдиҳӣ. Дар доираи талаботи Қонуни Ҷумҳурии Тоҷикистон «Дар бораи низоми иҷозатдиҳӣ» аз ҷониби сохторҳои дахлдори шаҳрӣ ба 402 адад субъект ҳуҷҷатҳои иҷозатдиҳӣ дода шудааст, аз ҷумла аз ҷониби Сарраёсати меъморӣ ва шаҳрсозӣ ба 153 (соли 2018-95) субъект барои оғоз намудани корҳои сохтмонӣ ва аз ҷониби  Муассиси давлатии «Рекламаи берунӣ ва ороиши шаҳри Душанбе» ба 249 (соли 2018 - 295) адад субъект барои ҷойгир намудани рекламаи берунӣ иҷозат дода шудааст.

Истифодаи амволи коммуналӣ. Дар шаҳри Душанбе 945 объектҳои моликияти коммуналӣ дар масоҳати умумии 923 ҳазор метри мураббаъ ба қайд гирифта шудааст. Дар нуҳмоҳи соли 2019 аз ин шумора 1 адад иншоот тибқи Нақшаи генералии шаҳри Душанбе бартараф карда шуда ва 25 адад иншоот хусусӣ гардонида шуд.

Бо мақсади истифодабарии самаранок ва идораю ихтиёрдории моликияти коммуналии шаҳри Душанбе номгӯй иншоотҳои моликияти коммуналӣ ташкил карда шуда, дар заминаи онҳо муассиса ва корхонаҳои давлатии шаҳрӣ ва ноҳиявӣ фаъолият доранд, ки таъмини ҳифз ва истифодаи самараноки амвол дар тавозунашон қарор дошта ба зиммаи роҳбарияти корхонаю муассисаҳои мазкур гузошта шудааст.

Ба санаи 1 сентябри соли 2019 аз ҳисоби 321 иҷорагир, аз ҷумла: 31 иҷорагири манзилҳои истиқоматӣ ва 290 иҷоргири қисми иншоотҳо 8,2 милион сомонӣ маблағ ба буҷети шаҳри Душанбе ворид гардидааст, ки ин нишондиҳанда нисбат ба нуҳ моҳи соли гузашта 3,3 милион сомонӣ зиёд мебошад.

Маблағи моҳонаи шартномаҳо - 845000 ҳазор сомонӣ ва масоҳатҳои умумии иҷора - 98179 ҳазор метри мураббаъро ташкил додааст, ки ин ба таъмини 2063 ҷойҳои нави корӣ мусоидат намудааст.

Дар ин давра тавассути комиссияи шаҳрӣ оид ба хусусигардонии молкияти коммуналӣ 4 музояда барои фурӯш 73 объекти моликияти коммуналӣ гузаронида шуд.

Аз ҳисоби фурӯши моликияти коммуналии мазкур - 4,2 миллион сомонӣ ба буҷети шаҳр ворид карда шуд.

Ҳамзамон, бо мақсади ғани гардонидани буҷети шаҳри Душанбе нақшаи хусусигардонии объектҳои коммуналӣ барои нуҳмоҳаи соли 2019 тасдиқ гардид, ки тибқи он як қатор объектҳои коммуналӣ зиёда аз 40,0 миллион сомонӣ ба фурӯш гузошта мешавад.

Дар маҷмӯъ воридоти маблағ аз ҳисоби иҷора ва хусусигардонӣ дар нуҳмоҳаи соли ҷорӣ – 12,5 милион сомониро ташкил медиҳад.

Бо мақсади ворид намудани маблағҳои қарзи иҷора, ки 2,1 миллион сомониро ташкил медиҳад Раёсат дар ҳамкорӣ бо мақомотҳои ҳифзи ҳуқуқ тадбирҳои зарурӣ андешида истодааст.

Айни ҳол дар моликияти коммуналӣ 4985 метри мураббаъ масоҳатҳои озод мавҷуд мебошанд, ки ин масоҳат дар соли 2018 11239 м2 ташкил медод, ки самаранок истифодабарии 6254 м2 дар 9 моҳи соли 2019 тибқи қарорҳои дахлдори Раиси шаҳри Душанбе таъмин карда шуд.

Дар соли ҷорӣ тавассути комиссияи шаҳрӣ 3382 адад воситаҳои асосии моликияти коммуналӣ, аз ҷумла, 32 адад нақлиёт ва 3350 воситаҳои асосии корношоям, ки муҳлати истифодабарии онҳо ба итмом расида, барқарорсозии онҳо ғайриимкон мебошанд аз ҳисоб соқит карда шуд, ки аз ҳисоби фурӯши амволи соқитшуда дар нимсолаи дуюми соли ҷори ба буҷети шаҳр маблағи он ворид мегардад.

 



Илова кунед